Bfn-man kry opgeskorte vonnis weens bedrog

Bfn-man kry opgeskorte vonnis weens bedrogFoto: Times LIVE

’n Voormalige bankteller van Bloemfontein wat Absa-bank met honderdduisende rande bedrieg het, is in die Bloemfonteinse streekhof ’n opgeskorte vonnis van agt jaar tronkstraf opgelê.

Netwerk24 berig die 34-jarige Moses Moroe is op 359 klagte van bedrog van bykans R400 000 skuldig bevind.

As deel van die opskortingsvoorwaardes moet Moroe ‘n gedeelte van die geld voor Julie 2018 terugbetaal, terwyl die staat intussen op R200 000 van sy pensioen beslag gelê het wat aan sy werkgewer betaal is.

Moroe het tussen 9 Julie 2014 en 23 Julie vanjaar geld uit een kliënt se persoonlike bankrekening onttrek en dit daarna in sy eie persoonlike rekening oorbetaal.

Moroe is in hegtenis geneem nadat die kliënt gekla het.

Gerdie Karstens
“As jy nie staan vir enige iets nie, sal jy val vir enige iets.”
Gerdie is nie net die aanbieder op Rosestad tussen 09:00 en 12:00 (weeksdae) nie , maar ook sportjoernalis wat spog met 10 jaar ondervinding in sportjoernalistiek by Media 24. Hy is ‘n oudleerling van die Hoërskool Sand du Plessis en het ‘n BA-graad in taalstudie aan UVS ontvang. Gerdie is getroud met Tracey, en hulle twee dogters, Marelize en Elmé

Pin It on Pinterest

Shares
Share This