Die bekende Bloemfonteiner wyle Otto Liebenberg is een van vier mense uit
die sentrale streek wat vanaand eretoekennings van die Bloemfonteinse
Afrikanerkultuurraad gaan ontvang vir hul bydrae tot kultuur.
Netwerk24 berig Liebenberg, wat veral baie prominent was in die Afrikaanse kultuurkringe, word postuum vereer nadat hy in September verlede jaar ná ’n kort siekte oorlede is.
Hy het bykans 40 jaar by die Nasionale Afrikaanse Letterkundige Museum en Navorsingsentrum gewerk.
Die ander wat eretoekennings ontvang is Louis Bothma, Manie Wolfaardt en Jan Lambrechts.