AfriForum, die Quaker-vredesentrum en die FW de Klerk-stigting sal vandag
’n aansoek by die konstitusionele hof indien om adjunk-president Cyril Ramaphosa te beveel om ’n kommissie van ondersoek aan te stel om bewerings van staatskaping te ondersoek.
Die hoof van AfriForum se teenkorrupsie-eenheid, Monique Taute, sê in ’n verklaring om Suid-Afrika se goeie naam te herstel, om verandering te laat gebeur en om korrupsie in die land uit te roei, is dit van die uiterste belang dat alle partye wat in die staatskapingsverslag geïmpliseer word, ondersoek, vervolg en verantwoordbaar gehou moet word.
AfriForum sal op ‘n nuuskonferensie in Pretoria meer besonderhede oor sy aansoek bekend maak.