Die aspirant Republikeinse kandidaat in die komende Amerikaanse presidentsverkiesing, Donald Trump, het weer Moslems wêreldwyd die harnas ingejaag met sy beskuldiging dat hulle nie vermeende aanvallers onder die aandag van die owerhede bring nie.
Trump het na aanleiding van die week se terreuraanvalle in Brussel die gewraakte opmerking tydens ‘n onderhoud met die Britse ITV kanaal gemaak.
Hy het gesê Moslems se onwilligheid om voornemende terroriste uit te wys, skep die indruk onder mense dat hulle mede-Moslems op dié wyse wil beskerm.