Sowat 20 van die vernaamste tradisioneel Afrikanergroeperings wil met president Jacob Zuma oor die toenemende rassespanning in Suid-Afrika praat.
Netwerk24 sê onder hulle is die FW de Klerk-stigting, Solidariteit, AfriForum, die FAK, die Nederduitsch Hervormde Kerk van Afrika, die Gereformeerde Kerke in Suid-Afrika, AgriSA, die ATKV, die Afrikanerbond en Fedsas.
Die vakbonde, kerke, sakelui en organisasies uit die burgerlike samelewing sê in ‘n gesamentlike verklaring hulle is bekommerd oor die gevolge van woede en vrees en die impak daarvan op rasseverhoudinge in Suid-Afrika.
Hulle verwerp ook rassisme onomwonde en waarsku dat die uitbuiting van rassisme vir politieke doeleindes uiters gevaarlik is.
Armand Cloete is die doodgewone man op straat wat soos almal verstom staan oor alles wat in die wêreld aangaan. Hy hou van dink en redeneer, soveel so dat dit sommige mense kan frustreer. Armand glo egter deur die regte vrae te vrae, kan jy dalk bietjjie nader aan waarhede kom. Hy was voorheen ‘n aanbieder by Radio Rosestad en tussen deur ook navorser en skakelbeampte by die Demokratiese Alliansie. Armand kon na drie jaar in die politiek nie meer die radio-gogga ignoreer nie en is nou ‘n voltydse politieke verslaggewer.