“Gigaba se nuuskonferensie was ‘n mislukking”

"Gigaba se nuuskonferensie was 'n mislukking"

Die DA se woordvoerder oor Finansies, David Maynier, sê die minister van Finansies, Malusi Gigaba, se nuuskonferensie oor die pad vorentoe vir die Suid-Afrikaanse ekonomie was gister ’n totale mislukking, en al wat daaruit gekom het is dat president Jacob Zuma binne twee weke die resessie met die ekonomiese groepering in die regering sal bespreek.

Maynier sê daar is verwag dat die minister nuwe maatreëls sou aankondig om die ekonomie ’n hupstoot te gee en die resessie die hoof te bied.

Die EFF het geëis dat Gigaba en sy adjunk, Sfiso Buthelezi, afgedank word weens hul mislukte poging om ‘n plan voor te lê om die ekonomie te red.

Die party sê dié belangrike portefeulje kan nie gelei word deur mense wat oor hulle beweerde betrokkenheid by staatskaping in omstredenheid gedompel is nie.

EFF sê geen binnelandse of oorsese beleggers sal vertroue in die land se ekonomie kan hê as hulle weet van die minister se bande met die Gupta’s nie.

Gerdie Karstens

“As jy nie staan vir enige iets nie, sal jy val vir enige iets.”

Gerdie is nie net die aanbieder op Rosestad tussen 09:00 en 12:00 (weeksdae) nie , maar ook sportjoernalis wat spog met 10 jaar ondervinding in sportjoernalistiek by Media 24. Hy is ‘n oudleerling van die Hoërskool Sand du Plessis en het ‘n BA-graad in taalstudie aan UVS ontvang. Gerdie is getroud met Tracey, en hulle twee dogters, Marelize en Elmé


Pin It on Pinterest

Shares
Share This