Hondjie in vragmotor vasgebind

‘n Vervoermaatskappy word ondersoek vir dieremishandeling nadat ‘n vasgebinde hondjie in ‘n vragmotor gevind het wat vanaf dié buurland ingesmokkel sou word.

Die doeane het ‘n kartonhouer in die vragmotor gevind met ‘n Afrikanis-tipe hondjie in.

Die DBV se senior inspekteur, Reinettee Meyer, sê al vier sy pote was met ‘n tou was vasgebind. Die hond het ook ‘n ketting om sy nek gehad en was styf vasgebind sodat hy glad nie kon beweeg nie.

“Ons sal alles in ons vermoë doen om die skuldige persone aan die pen te laat ry”

Doeane beamptes aan die Suid Afrikaanse kant van die Lesotho grens het die hondjie konfiskeer en na die DBV Bloemfontein geneem waar hy nou in veilige bewaring is.

Meier sê die eienaar van die vervoermaatskappy het glo die vragmotorbestuurder gevra om die hondjie na Suid Afrika te smokkel.

Klagtes van dieremishandeling word teen die eienaar van die vervoermaatskappy en die drywer van die vragmotor ondersoek.

Meyer sê dit is totaal en al onaanvaarbaar om ‘n dier in sulke omstandighede te vervoer.

“Ons sien dit in ‘n baie ernstige lig en sal alles in ons vermoë doen om die skuldige persone aan die pen te laat ry.”

Armand Cloete
Sosiale Media- en nuusredakteur at Radio Rosestad 100.6FM

Armand Cloete is sosiale media- en nuusredakteur by Radio Rosestad.


Pin It on Pinterest

Shares
Share This