Die Suid-Afrikaanse Demokratiese Onderwysersunie (Sadou) eis dat die hoof van die Motheo-kollege vir Voortgesette Onderwys in Bloemfontein, Dipiloane Phutsisi, onmiddellik uit haar amp verwyder word.
Netwerk24 berig Sadou beskuldig Phutsisi onder meer van erge korrupsie, nepotisme en die viktimisering van lede van dié vakbond.
Sadou voer aan Phutsisi het haarself tot ’n status van onaantasbaarheid verhef en volhard met haar intimidasie en uitskuif van vakbondlede.
Die vakbond wil ook hê die kollege moet dosente en ander werknemers wat in tugverhore vrygespreek is, weer in diens neem.