US-taalbeleid: hof staan interdik toe

Die Wes-Kaapse hooggeregshof het vandag ’n tussentydse interdik toegestaan ingevolge waarvan die Universiteit Stellenbosch beveel word om sy taalbeleid – wat breedweg vir gelykberegtiging tussen Afrikaans en Engels as onderrigtale voorsiening maak – van 29 Maart af te implementeer.

Dit volg nadat AfriForum Jeug ’n hofaansoek gebring het dat die US nie sy taalbeleid en taalplan, én ‘n skriftelike onderneming wat die universiteit in Februarie aan AfriForum Jeug gegee het, uitvoer nie.

AfriForum Jeug se woordvoerder, Hein Gonzales, het die hofbeslissing in ‘n verklaring bestempel as ’n oorwinning vir die Afrikaanssprekende gemeenskap van Suid-Afrika.

Hy sê dit is duidelik dat die rektor, professor Wim de Villiers, en sy bestuurspan nie die belange van die studente en universiteit op die hart dra nie.

Armand Cloete

Bemarkings Bestuurder at Radio Rosestad 100.6FM

Armand Cloete is die doodgewone man op straat wat soos almal verstom staan oor alles wat in die wêreld aangaan. Hy hou van dink en redeneer, soveel so dat dit sommige mense kan frustreer. Armand glo egter deur die regte vrae te vrae, kan jy dalk bietjjie nader aan waarhede kom. Hy was voorheen ‘n aanbieder by Radio Rosestad en tussen deur ook navorser en skakelbeampte by die Demokratiese Alliansie. Armand kon na drie jaar in die politiek nie meer die radio-gogga ignoreer nie en is nou ‘n voltydse politieke verslaggewer.