‘n Man wat na bewering gister in die vroeë oggendure by die perseel van ‘n laerskool in Lotusrivier in die Kaapse Skiereiland ingebreek en die opsigter se huis aan die brand gesteek het, is deur ‘n veiligheidswag geskiet en gewond.
Die Wes-Kaapse polisiewoordvoerder, kaptein FC van Wyk, sê die wag is glo deur die verdagte aangeval en met die dood gedreig waarna hy verskeie skote op die man gevuur het.
Die woordvoerder van die provinsiale onderwysdepartement, Millicent Merton, sê afgesien van die opsigter se huis, is daar rookskade aan die administrasiegebou en die elektriese heining is ook beskadig.
Armand Cloete is die doodgewone man op straat wat soos almal verstom staan oor alles wat in die wêreld aangaan. Hy hou van dink en redeneer, soveel so dat dit sommige mense kan frustreer. Armand glo egter deur die regte vrae te vrae, kan jy dalk bietjjie nader aan waarhede kom. Hy was voorheen ‘n aanbieder by Radio Rosestad en tussen deur ook navorser en skakelbeampte by die Demokratiese Alliansie. Armand kon na drie jaar in die politiek nie meer die radio-gogga ignoreer nie en is nou ‘n voltydse politieke verslaggewer.