Owerhede het versperrings op ‘n aantal brûe in Londen aangebring ná Saterdag se aanval.
Sewe mense is dood en tientalle gewond toe die aanvallers met ‘n voertuig op die Londen-brug tussen mense ingejaag het en daarna ‘n aantal mense met messe aangeval het.
Die polisie het al 33 brûe in Londen bestudeer om die versperrings tussen voetgangers en voertuie aan te bring.
Die Wesminster-brug, waar ‘n aanvaller in Maart tussen mense ingejaag het, was die eerste wat die versperrings gekry het.
Versperrings is ook reeds by die Waterloo- en Lambeth-brûe aangebring.