’n Vrou wat oorspronklik van Kroasië afkomstig is, is gisteroggend in haar huis in Uitsig hier in Bloemfontein deur twee mans oorval, aangerand en beroof.
Die 58-jarige Jana Marinkov het ’n gebreekte rib en ’n gebreekte neus in die aanval opgedoen.
Toe Jana begin skreeu het, het haar bure haar te hulp gesnel.
Netwerk24 berig Louis de Beer en sy seun Morne het hulle agternagesit en een van die verdagtes vasgetrek.
Hulle het ook op ‘n hoeveelheid gesteelde goedere beslag gelê.